Kryeministri i Kosovës, Albin Kurti, ka uruar SPD-në dhe kryetarin e saj Olaf Scholz për fitoren në zgjedhjet kombëtare në Gjermani.

Kurti përmes një postimi në Twitter ka thënë se fitorja e SPD-së në një botë që përballet me sfida të mëdha është një sinjal i fortë për përparim politik.

“Urime për Olaf Scholz dhe SPD-në. Në një botë që përballet me sfida të mëdha, fitorja zgjedhore e partisë suaj është një sinjal i fortë për përparim politik, demokraci sociale dhe kohezion shoqëror”, shkroi Kurti.

SPD në zgjedhjet e së dielës fitoi me 25.8%, e cila pritet ta formojë qeverinë e re në Gjermani./arbresh.info/

Congratulations to @OlafScholz & @spdde! In a world facing immense challenges, your party's election victory is a strong signal for political progress, social democracy, and societal cohesion.

— Albin Kurti (@albinkurti) September 27, 2021